މި މަރުކަޒަކީ، މަސްތުވާތަކެތީގެ ވަބާގައި ޖެހިފައިވާ ދިވެހި ރައްޔިތުންނަށް ރިހިބިލިޓޭޝަން ފަރުވާދީ، އަލުން އަނބުރާ މުޖުތަމައު ތެރެއަށް ނެރުމުގެ މަޤްސަދުގައި ނޭޝަނަލް ޑްރަގް އޭޖެންސީގެ ދަށުން ހިންގާ މަރުކަޒެކެވެ.

އަދި މި މަރުކަޒަކީ މަސްތުވާތަކެތީގެ ވަބާގައި ޖެހިފައިވާ ފަރާތްތައް މަރުކަޒުގައި ބަންދުގައި ބަހައްޓައިގެން، އޭނާއަށް އިސްލާޙު ކުރުމުގެ ފަރުވާ ޕްރޮގްރާމްތައް ހިންގައިދީ، މަސްތުވާތަކެތީގެ ކިބައިން ސަލާމަތް ވެވޭނެ މަގުދައްކައިދީ، ފަރުވާގެ ވަގުތުގައި ދިމާވާ އުނދަގޫތައް ތަޙައްމަލު ކުރުމުގައި އެހީތެރިވެދިނުން އަސާސަކަށް ބަލައިގެން ހިންގާ މަރުކަޒެކެވެ.

މަސްތުވާތަކެތި ބޭނުންކުރާ މީހުންނަށް ޑީ.ޓީ.އާރު.ސީގައި ހިންގާ ފަރުވާގެ ޕްރޮގްރާމަކީ އިސްލާމީ އުސޫލުތައް ހިމަނައިގެން ތެރަޕިއުޓިކް ކޮމިއުނިޓީ (ޓީ.ސީ) މޮޑެލް އަސާސަކަށް ބަލައިގެން ފަރުމާ ކުރެވިފައިވާ ފަރުވާ ޕްރޮގްރާމެކެވެ.

ޓީ.ސީ ބިނާވެފައިވަނީ އެކަކު އަނެކަކަށް އެހީވުމާއި، އަޅާލުމާއި، އެއްބާރުލުމާއި، އިތުބާރު ކުރުމާއި އަދި އަމިއްލަ މަސްޢޫލިއްޔަތާ ޢާއިލާގެމެދުގައި އޮންނަ ގުޅުންތައް ހަރުދަނާ ކުރުމަށް އެއްބާރުލުން ދިނުމާއެކު ކަނޑައެޅިފައިވާ ހަމަތަކާ ޤަވާޢިދުތަކަށް ބޯލަނބާ އަދި އެއްފިލޯސަފީއެއް ޤަބޫލުކޮށް އެކުގައި ދިރިއުޅުމުގެ މައްޗަށެވެ.

      ޑްރަގް ޓްރީޓްމެންޓް އެންޑް ރިހެބިލިޓޭޝަން ސެންޓަރަކީ މަސްތުވާތަކެތީގެ ވަބާގައި ޖެހިފައި ތިބި ޒުވާނުން އަލުން އަނބުރާ މުޖުތަމަޢަށް ނެރުމުގެ މަޤްސަދުގައި، 1997 ވަނަ އަހަރު، ޖޫން މަހުގެ 26 ވަނަ ދުވަހު، ދިވެހި ސަރުކާރުގެ ފަރާތުން ހުޅުއްވާ ދެއްވާފައިވާ ސެންޓަރެކެވެ.

dtrc.himmafushi@nda.gov.mv

އެޑްމިން އެންޑް ފައިނޭންސް ޑިޕާޓްމަންޓް: 3039082

 ސްޕްރިންޓެންޑެންޓް އޮފީސް: 3039081

ކްލިނިކަލް އެޗް.ކިއު: 3039085 

 ކްލިނިކަލް ޑިވިޜަން: 3039083

 ސެކިއުރިޓީ ޔުނިޓް: 3039084